O infinitivo conxugado
1- MNP: o infinitivo
conxugado fórmase engadindo os seguintes morfemas ao infinitivo:
P1: -
P2: -es
P3: -
P4: -mos
P5: -des
P6: -en
comer, comeres, comer, comermos, comerdes,
comeren
2- Úsase nos seguintes casos:
2-1- Cando o infinitivo ten un suxeito distinto ao do
verbo principal: (ti) Dille que o limpe antes de volver(mos).
2-2: Cando o suxeito do infinitivo vai expreso, pero a
distancia do verbo principal: O rapaz saudou aos turistas ao pasaren xunto
del.
2-3- Cando o infinitivo vai introducido por preposición: Para falares con el, tes que pedir cita.
3- Non se
emprega:
1- Cando o infinitivo é o verbo auxiliado dunha
perífrase verbal: Débesllo dicir agora mesmo
2- Cando se constrúe con verbos do tipo: querer,
poder, saber, deixar...porque neste caso o suxeito éo de todo o complexo
verbal: Queremos mercar un coche deportivo.
Ollo!
Non se debe confundir co futuro de subxuntivo, co que coincide nos verbos regulares e difire nos irregulares.
Inf. Conx: comer, comeres, comer, comermos, comerdes, comeren.
Fut. Subx.: comer, comeres, comer, comermos, comerdes, comeren.
Inf. Conx: querer, quereres, querer, querermos, quererdes, quereren.
Fut. Subx. quixer, quixeres, quixer, quixermos, quixerdes, quixeren.
Actividade de encher espazos
P1
p2
p3
p4
p5
p6