Numerais
Os numerais
Son palabras que
cuantifican a realidade, indicando unha cantidade máis ou menos exacta.
Sintacticamente,
poden funcionar como:
Actualizadores: catro
vellos.
Modificadores: O
primeiro soldado romano.
Pronomes: merqueille
dous.
Forman un grupo
heteroxéneo no que existen formas variables (primeiro /primeira /primeiros /primeiras)
e outras invariables (seis; cinco). Clasifícanse en cardinais,
ordinais, partitivos, multiplicativos e colectivos.
Numerais cardinais:
Indican unha
cantidade exacta, un número determinado de unidades. Algunhas formas son as
seguintes:
un/unha, dous/dúas,
...dezaseis, dezasete, ...vinte e ún, ...trinta e un, ...corenta, ...sesenta,
...oitenta, ...cento un/cento unha, ...cincocentos/-as (quiñentos/-as).
A partir de vinte,
a expresión do resto dos números realizase:
Mediante a conxunción
e: corenta e tres, sesenta e oito.
Por combinación
directa: cento un/cento unha.
Numerais ordinais
Indican a situación
ou a orde dos seres ou elementos nunha serie determinada.
Algunhas formas: primeiro/-a,
segundo/-a, .. .sexto/-a, sétimo/-a, oitavo/-a, .. .undécimo/-a
(décimo primeiro/-a), duodécimo/-a (décimo segundo/-a), décimo terceiro/-a,
...vixésimo/-a, ...sesaxésimo/-a, ...centésimo/-a...
Non se deben confundir os ordinais cos partitivos: (treceavo = unha parte de trece). Nas formas compostas só varía en xº e nº o último elemento: décimo primeiras.
Numerais partitivos:
Indican a fracción
exacta dunha unidade.
Algunhas formas: Medio/-a,
terzo/-a, ...sétimo/-a…
A partir de décimo (
do 11 ao 99) os partitivos rematan en –avo: ...onceavo/-a, doceavo/-a...
Metade, aínda que expresa fracción, é un substantivo.
Numerais multiplicativos:
Indican o resultado
dunha multiplicación. Algunhas formas:
Dobre
(duplo/-a), triplo/-a, cuádruplo/-a,
quíntuplo, séxtuplo, óctuplo/-a, nónuplo/-a, décuplo/-a... Os demais fórmanse
co cardinal máis a palabra “veces”: Custou seis veces máis có meu.
Numerais colectivos:
Indican un conxunto cun número determinado de elementos. Algunhas formas: Par, parella, decena, ducia, cento, milleiro...
Substantivos con valor colectivo son: semana, quincena, trimestre, lustro, década... (de tempo); dúo, trío, cuarteto, quinteto... (referidos á música); novena, corentena...